Starleta dhe modelja problematike Katie Price (43), pavarësisht spekulimeve, nuk do të përfundojë në burg për shpejtësi tej normave të lejuara, sepse çështja e saj po zgjidhet brenda “procedurës së vetme ligjore” për kundërvajtje. Katie njihet ndryshe për skandalet dhe sjelljet e shthurura, dhe “specialiteti” i saj janë aksidentet në trafik.
Vitin e kaluar, Katie ishte duke ecur me shpejtësi mbi 70 kilometra në orë, që është më shumë se shpejtësia e lejuar, pranë vilës së saj në West Sussex. Por kjo nuk është e gjitha, 11 ditë më vonë, në shtator, ajo përplasi BMW-në e saj të shtrenjtë.
Katie akuzohej për shpejtësi dhe fshehje të informacionit nga policia, ndërsa ishte dashur të paraqitej para Gjykatës për Kundërvajtje në Krolijë. Por çështja e saj tani do të trajtohet si pjesë e një “procedure të vetme gjyqësore”, ku vendimi për çështjet për të rriturit që kanë kryer krime pa qenë pjesë e burgut vendoset nga një gjyqtar në distancë.
Kjo do të thotë që Katie mund të marrë një gjobë dhe/ose pikë negative në patentën e shoferit dhe ndalimin e drejtimit. Ajo nuk mund të përfundojë në burg dhe çështja e saj është shtyrë për më 5 korrik.
Pas aksidentit, testet treguan se Katie kishte 66 mikrogramë alkool në 100 mililitra frymëmarrje, që është pothuajse dyfishi i kufirit ligjor dhe gjithashtu ishte pozitive për kokainë. Ajo i shpëtoi burgut sepse aplikoi në Qendrën e Rehabilitimit Paraprak, e cila kushton pothuajse 7000 funte në javë. Deri më tani, asaj i është ndaluar gjithsej gjashtë herë drejtimi i automjetit.
Në tetor 2019, Katie u ndalua të drejtonte makinën për 18 muaj, sepse ajo refuzoi t’i tregonte policisë se kush ishte pas timonit të Range Rover-it të saj rozë gjatë aksidentit në Bexley në Londrën juglindore.
Asaj iu ndalua të drejtonte makinën kur u përplas me BMW-në e saj shtatorin e kaluar dhe nuk u lejua të drejtonte makinën edhe kur u egërsua në rrugë 11 ditë më parë.
Pas aksidentit, familja e Kate shprehu shqetësimin për të. Gjyqtarja e qarkut Amanda Kelly e dënoi atë me kusht, sepse “Katie duket se mendon se është mbi ligjin”, duke thënë se dosja e shoferit të saj është “një nga më të këqijat” që ajo “ka parë ndonjëherë”. Ylli ka qenë në gjykatë të paktën 16 herë për shkelje të drejtimit të automjetit, por ajo nuk ka qenë kurrë në burg.
Por kjo nuk është e gjitha në sjelljen problematike të kësaj ylli! Domethënë, Katie duhet të dalë para gjykatës këto ditë pasi dyshohet se ka shkelur ndalimin e afrimit duke i dërguar mesazhe vulgare dhe fyese ish-bashkëshortit të saj Kieran Heyler, të cilat kishin lidhje me ish të fejuarën e tij Michelle Pentecost.
Katie u deklarua e pafajshme për shkeljen e urdhrit të ndalimit duke kontaktuar drejtpërdrejt ose indirekt Michelle në Gjykatën e Kundërvajtjeve të Crowley më 27 prill, dhe tani publiku mezi pret vazhdimin e gjyqit.
Katie është nënë e pesë fëmijëve dhe është martuar tri herë. Aktualisht ajo është e fejuar me Karl Woods (32). Përveç sjelljes problematike, ajo njihet edhe për operacionet e shpeshta plastike, ndaj nuk i ngjan më vetes.
Në moshën 18-vjeçare, modelja bëri operacionin e parë estetik kur iu nënshtrua liposuksionit, si dhe bëri zmadhimin e gjoksit. Së fundmi ajo është mburrur se ka zmadhuar gjoksin për herë të 13-të, ndërsa mediat e kanë tallur me mbishkrime se “ka buza përpara”.
Por ajo nuk i kushton rëndësi kësaj, ndaj më pas ka bërë një tjetër liposuksion, kushedi cili me radhë. Gjatë dekadave, Katie ka korrigjuar ose zgjeruar pothuajse gjithçka që mund të operohej.
Familja e saj është shumë e shqetësuar për këtë dhe për sjelljen e saj problematike. Një nga kirurgët kozmetikë më të mirë anglezë, Alex Karidis, tha për Daily Star se ai kurrë nuk do t’i rekomandonte aq shumë operacione pacientes së tij sa Katie dhe i bëri thirrje publikisht që të pushonte dhe t’i jepte trupit kohë për t’u shëruar dhe rikuperuar.
Katie bëri një vesh të shurdhër ndaj saj dhe vazhdoi të bënte një operacion./FrontOnline/
