-->
×
  • Lajme
  • Lajme

    E pabesueshme por e vërtetë: Lutfi Haziri, pika më e fortë që bashkon LDK-në me VV-në

    FrontOnline
    03 Nëntor 2019

    Lutfi Haziri është akuzuar vazhdimisht se ka sabotuar negociatat për koalicion mes LDK-së dhe VV-së. Por, pikërisht në pjesën e negociatave ku ai është deleguar, atë të dialogut, del se këto dy parti kanë qëndrime krejtësisht të harmonizuara, shkruan Periskopi.

    Qeveria e ardhshme e Republikës së Kosovës e cila në bazë të rezultateve preliminare të zgjedhjeve të 6 tetorit pritet të udhëhiqet nga Lëvizje Vetëvendosje dhe Lidhja Demokratike e Kosovës, si duket ka në plan që tarifën 100 përqind ndaj mallrave të Serbisë dhe Bosnje e Hercegovinës, ta zëvendësojë me masën e reciprocitetit në këtë mënyrë t’i hap rrugë dialogut Kosovë-Serbi.

    Sipas anëtares së kryesisë së Lëvizjes Vetëvendosje, Albulena Haxhiu, për kalimin e taksës në reciprocitet karshi mallrave serbe dhe boshnjake ka pajtueshmëri në mes dy subjektet  LVV-në dhe LDK-në.

    Sipas saj, ndaj shtetit serb me qeverinë Kurti do të ketë reciprocitet në të gjitha fushat, çoftë në aspektin ekonomik, politik e tregtar.

    “E kemi parë si masë të duhur që është e njohur edhe ndërkombëtarisht reciprocitetin në këtë rast reciprocitetin politik, ekonomik dhe tregtar me Serbinë. Prandaj, qeverisja e ardhshme në masën apo vendimin për tarifën do e zëvendësojmë me reciprocitet të plotë. Këtë e kemi diskutuar edhe në takimin e fundit që kishim me përfaqësuesit e LDK  qëndrimet përputhen  për shkak se  edhe ata e kanë pasur si premtim gjatë fushatës zgjedhore reciprocitetin, po besoj është një avancim në këtë kuptim sepse edhe Lëvizja Vetëvendosje do të angazhohet për reciprocitet”, tha Haxhiu.

    Ndërkohë edhe zëvendës-ndihmësi i Sekretarit të Shtetit të ShBA-së, njëherësh përfaqësues Special i Sekretarit të Shtetit për Ballkanin Perëndimor, Matthew Palmer, i cili para dy dite tha se taksa është bërë një pengesë.

    “Pritjet e mia për Kurtin duke supozuar që do të bëhet kryeministër është se do të jetë partner i mirë për Shtetet e Bashkuara të Amerikës, se do të punojë ngushtë me neve në kërkim të objektivave dhe qëllimeve tona të përbashkëta. Se ai do ta kuptoj se dialogu me Serbinë është i rëndësishëm jo vetëm Kosovën, por edhe për ShBA-të, dhe ta integrojë atë në të menduarit e vetë dhe do të gjej mënyrën për t’u kthyer në tavolinën e negociatave përfshirë edhe për çështjen e adresimit të taksës, e cila është bërë një pengesë”, tha ai.

    Pro heqjes së taksës dhe vendosjes së masave të reciprocitet me shtetin serb është shprehur edhe njohësit tjetër i  çështjeve ekonomia, Mustafë Kadriaj, i cili tha se taksa në aspektin politik ishte e mirë por vazhdimi i taksës në pakufi  solli acarim të raporteve në mes Kosovës dhe bashkësisë ndërkombëtare.

    Sipas tij, opsioni më i favorshëm karshi Serbi është heqja e tarifës 100 përqind.

    “Mendoj se edhe me rekomandime të Bashkimit Evropian, bashkësisë ndërkombëtare po ashtu organizatave botërore të tregtisë masat e reciprocitet gjithmonë janë aktuale sepse në momentin që njëri shtet masa të një anshme automatikisht edhe shteti tjetër tenton që ta mbroj ekonominë vendore apo prodhimin vendor. Në këtë drejtim mendoj që Kosova e ka të obliguar masat e reciprocitetit sepse edhe ne duhet të jetojmë dhe në kuadër të CEFTA-së si shtet funksional…Taksa gjithsesi duhet të hiqet dhe me masa të reciprocitet duke e ruajtur partneritetin ndërkombëtar, sidomos me SHBA-të“, theksoi Kadrijaj.

    Tarifa 100 përqind ndaj importeve nga Serbia dhe Bosnje e Hercegovina u vendos më 21 nëntor të vitit 2018 nga qeveria në largim. Ky veprim erdhi si kundërpërgjigje ndaj politikave të këtyre dy shteteve kundër shtetësisë së Kosovës dhe anëtarësimit të saj në mekanizma e organizata ndërkombëtare./Front Online/

    Nga Rubrika
    Lajme18 Mars 2025
    Kryetari i Bashkësisë Islame të Kosovës, Naim Tërnava, priti në takim shefen e Misionit të Kombeve të Bashkuara në Kosovë – UNMIK-ut,...
    Lajme18 Mars 2025
    Pas përfundimit të ceremonisë së varrimit të të ndjerit Haxhi Thaçi, babait të ish-presidentit Hashim Thaçi, familja Thaçi i ka falënderuar të...
    Lajme18 Mars 2025
    Hajdar Beqa, ish-deputet i Partisë Demokratike të Kosovës (PDK), është deklaruar për Front Online ndaj vendimit të Gjykatës Speciale për të refuzuar...
    Të tjera
    Lajme18 Mars 2025
    Paneli Zgjedhor për Ankesa dhe Parashtresa ka refuzuar ankesën e kandidatit për deputet nga radhët e Aleancës për Ardhmërinë e Kosovës, Agron...
    Lajme18 Mars 2025
    Ngërçi paszgjedhor në Kosovë vazhdon, pa asnjë diskutim zyrtar për qeverinë e re. Opozita pranon se bisedime joformale po zhvillohen në prapaskenë,...
    Lajme18 Mars 2025
    Ushtarët amerikanë të KFOR’it, të caktuar në Komandën Rajonale në Lindje, kanë kryer një patrullë rutinë në veri të Kosovës për, siç...
    Lajme18 Mars 2025
    Askush nga përfaqësuesit e Lëvizjes Vetëvendosje nuk mori pjesë në varrimin e babait të ish-presidentit të Kosovës, Hashim Thaçi. Përveç një telegrami...
    Vip18 Mars 2025
    Gjesti dhe Rozana Radi kanë pasur një përplasje të ashpër, ku është përfshirë edhe Egli Tako. Këngëtarja e akuzoi se po e...
    Lajme18 Mars 2025
    Zyra e Bashkimit Europian në Kosovë i ka ftuar përfaqësuesit e shoqërisë civile që të kontribuojnë në Raportin e BE-së për vendin...
    -->

    FrontOnline, © 2025 Të gjitha të drejtat e rezervuara.