Partia Demokratike e Kosovës (PDK) do të marrë pjesë në takimin i cili pritet të mbahet javën e ardhshme (e hënë), për konstituimin e institucioneve të vendit.

Këtë e ka bërë të ditur për Front Online, zëdhënësi i PDK-së, Avni Bytyçi, i cili tha se qëndrimet e tyre rreth formimit të institucioneve do t’i bëjnë të njohura në takim.

“PDK do të marrë pjesë në takimin e ftuar të hënën. Si parti kryesore opozitare, qëndrimet tona rreth formimit të institucioneve do t’i bëjmë të njohura në takim”, ka thënë Bytyçi.

Ndryshe, kandidati i Lëvizjes Vetëvendosje (LVV) për kryeministër, Albin Kurti si dhe kandidatja për presidente, Vjosa Osmani të enjten mbrëma u kanë dërguar letër partive politike për t’u takuar të hënën, më 15 mars për të diskutuar rreth konstituimit të institucioneve të vendit./Front Online/