Të hënën, policia në Malishevë ka arrestuar zëvendësdrejtorin e gjimnazit “Hamdi Berisha”, nën dyshimet se ka ngacmuar seksualisht një nxënëse.

Rasti dyshohet se ka ndodhur më 16 dhjetor, në ambientet e gjimnazit, ndërkaq rastin në polici e ka raportuar babai i vajzës, mbrëmjen e 20 dhjetorit.

Për të i informuar është edhe kryetar i ri i Malishevës, Ekrem Kastrati.

“Po më vjen keq. Jam informuar sot nga komandanti policor për shoqërimin e zv.drejtorit në Polici në fakt mbajtjen e tij për një afat të caktuar 48 orësh. Asgjë tjetër më shumë nuk di. S`mund të jap detaje pa e bërë punën e saj hetuesia”, u shpreh Kastrati për “Front Online”.

Nëse vërtetohen këto dyshime, ai tregoi për masat që do t`i marrin ndaj zëvendësdrejtorit.

“Komuna, drejtoria e Arsimit, do t`i marrë hapat konform dispozitave ligjore për trajtimin e rasteve të tilla. Suspendojmë apo largojmë nga puna”, u shpreh Kastrati për “Front Online”.