Dy persona njëri në Fushë Kosovë e tjetri në Podujevë janë gjetur dje pa shenja jete.

Sipas raportit 24 orësh të Policisë, rasti në Fushë Kosovë ka ndodhur në rrugën “Kongresi i Lushnjës”.

Aty viktima mashkull është gjendur pa shenja jete në banesën e tij.

Ndërsa, rasti tjetër sipas Policisë ka ndodhur në fshatin Bajqinë të Podujevës.

“Rr. Kongresi i Lushnjës, Fushë Kosovës, 01.04.2022 – 00:43. Viktima mashkull kosovar është gjetur pa shenja jete në banesën ku ishte duke jetuar. Ekipi mjekësor ka konstatuar vdekjen e viktimës. Me vendim të prokurorit, trupi i pajetë i viktimës është dërguar në IML për obduksion”, thuhet në raport.

“Fsh. Bajqinë, Podujevë, 01.04.2022 – NN. Është raportuar se viktima mashkull kosovar është gjetur pa shenja jete. Në vendin e ngjarjes kanë dalë të gjitha njësitë përkatëse si dhe mjeku ka konstatuar vdekjen e viktimës dhe sipas tij nuk vërehen shenja dhune. Me vendim të prokurorit trupi i pa jetë është dërguar në IML për obduksion”, thuhet në raportin 24 orësh të Policisë./FrontOnline