Në aksin rrugor Kllokot – Viti kanë ndodhur dy aksidente brenda një periudhe të shkurtër kohore, ku pësuan lëndime të lehta trupore dy persona.
Lajmin për Front Online e ka konfirmuar zëdhënësi i policisë për rajonin e Gjilanit, Valon Osmani.
Ai tha se në të njëjtin aks rrugor, afër njëri-tjetrit, kanë ndodhur dy aksidente, me dy persona që mbetën të lënduar nga të dyja aksidentet.
Të lënduarit po marrin trajtim në Spitalin e Gjilanit.
“Me datën 01.04.2025 rreth orës 19:50 në aksin rrugor Viti-Kllokot kanë ndodhur dy aksidente të trafikut në dy lokacione të ndara, në të cilët aksidente kanë qenë të përfshira nga dy automjete me targa civile. Përpos dëmeve materiale nga të dyja aksidentet lëndime të lehta trupore kanë pësuar dy persona të cilët janë dërguar në emergjencën e Spitalit rajonal të Gjilanit për tretman mjekësorë. Hetues policor të aksidenteve kanë dalë në vendin e ngjarjes dhe janë duke i hetuar rrethanat e rasteve.”, tha Osmani.
