Shumë njerëz e duan çokollatën. Jo vetëm që është e shijshme, por mund të ketë edhe një efekt shërues për shëndetin. Hulumtimet e reja kanë treguar se disa çokollata janë në fakt të mira për nivelet e sheqerit në gjak, funksionin e zemrës dhe trurit.
Gjithnjë e më shumë të dhëna tregojnë se konsumimi i pak çokollatës së zezë çdo ditë mund të përmirësojë kujtesën dhe punën e sistemit kardiovaskular.
Dr Michael Mosley, drejtuesi i emisionit shkencor të BBC-së, foli për këtë në podkastin “Vetëm një gjë”.
Mosley prezantoi magjinë e kakaos dhe shpjegoi pse konsumimi i dy kubeve me çokollatë të zezë çdo ditë në vend të ëmbëlsirave mund të përfitojë vërtet trurin, zemrën dhe metabolizmin.
Redukton rrezikun e sëmundjeve kardiovaskulare dhe rregullon nivelin e kolesterolit të keq, me densitet të ulët LDL dhe rrit rrjedhjen e gjakut në tru.
Lajmi emocionues se kakaoja është e mirë për shëndetin erdhi fillimisht nga rezultatet e kërkimit mbi shëndetin e popullit Guna, vendasve të Panamasë. Hulumtimet kanë treguar se ata jetojnë gjatë dhe se presioni i gjakut nuk u rritet me kalimin e moshës, siç ndodh me shumicën e njerëzve./FrontOnline/
