Erden Atiq e Florent Azemi janë dy kandidatët shqiptar që po garojnë për kryetar të Mitrovicës Veriore

Erden Atiq i ka hyrë garës për kryetar të komunës së Mitrovicës Veriore.

Kandidati i Lëvizjes Vetëvendosje po synon që në këto zgjedhje të jashtëzakonshme të marrë timonin e Veriut të Kosovës.

Por ky nuk është kandidati i vetëm që ja ka mësyrë pozitës së kreut të kësaj komune.

E nga këto zgjedhje Atiq po thotë që duhet ti kthehet e mira qytetarëve të Mitrovicës së Veriut.

Por ai është i vetëdijshëm që fitorja është e vështirë megjithatë beson që nuk do i mungojë mbështetja.

Ndërkohë kandidati tjetër shqiptar që po garon në këtë komunë, është Florent Azemi nga PDK.

Por Azemi thotë që kësaj gare nuk i kanë hy për pozitën e kryetarit të komunës.

Azemi tregon që ka hezitim nga ana e qytetarëve për të votuar.

Ndërkohë qytetarët shprehin vullnet për të votuar me 29 nëntor.

Kjo komunë mbeti pa kryetar kur Goran Rakiq erdhi në pozitën e zëvendëskryeministrit në qeveri.

Në Mitrovicën e Veriut të drejtë vote kanë 23 mijë e 180 votues, shumicë në këtë komunë janë serbë.