Komiteti Ekzekutiv i Federatës së Futbollit të Kosovës (FFK) ka mbajtur mbledhjen e radhës, nën drejtimin e presidentit Agim Ademi.
FFK në komunikatën e lëshuar në faqen zyrtare ka njoftuar ndër të tjerash se finalja e Kupës së Kosovës do të zhvillohet më 12 maj, në orën 20:45 në stadiumin “Fadil Vokrri”.
Kujtojmë se në finalen e Kupës së Kosovës do të përballen Dukagjini i Klinës dhe Llapi.
Dukagjini kishte kaluar në finale duke eliminuar Istogun pasi këta të fundit inkuadruan një lojtar pa të drejtë loje në ndeshjen e parë.
Ndërkohë që Llapi me rezultat të përgjithshëm 5:4 eliminuan Prishtinën.
