Në komisionin hetimorë për privatizim po raporton ish-ministri i Tregtisë dhe Industrisë, Bujar Dugolli.

Ai e pranoi se ka pasur raste të marrëveshjeve të fshehta dhe kurdisje për shkak të kërcënimeve të ofertuesve nga afarist të lidhur me politikën.

Hajrullah Qeku:“E përmendët mundësinë e marrëveshjeve të fshehta, kurdisje nga kush kanë ardh këto ndërhyrje?

Dugolli tha se këto kanë qenë jashtë sistemit që e kemi drejtuar, janë ankuar se po rrjedhin informacionet.
“Menaxhmenti ka pasur raporte për tërheqje të ofertuesve, pas kërcënimeve nga njerëz të ndryshëm. Ka pasur afarist, por afarist të lidhur me politikën”, tha ai.

Dugolli tha se në bord nuk kanë pasur këto probleme por në menaxhment të Agjencisë Kosovare të Mirëbesimit, AKM-së kanë mundur të ndodhin.

“Ne në nivel bordi si kemi pasur këto probleme por menaxhmenti, ka pasur mundësi të ndodhin nga menaxhmenti”, ka thënë ai.

Kryesuesi i komisionit Hajrullah Qeku e pyeti Dugollin për shitjen e kompanisë “Jugo Termo” në Gjilan te njerëzit e lidhur me LDK-në, nëse ka qenë në dijeni si anëtarë bordi.

“Rasti “Jugo term në Gjilan, është privatizuar në kohën e juaj? Është raportuar që ky privatizim është bërë në mënyrë të paligjshme ka 2 auditime se ka pasur marrëveshje të fshehta në mes të 3 ofertuesve, keni qenë në dijeni?”, tha ai.

Dugolli tha se menaxhmenti i AKM-së ka raportuar se procedura e shitjes është në rregull por që pas përfundimit të shitjes, në media është raportuar se është shitur te familjarët e ish-ministrit Fatmir Rexhepit.

“Nga menaxhmenti është thënë se është në rregull, pasi procedura është përfunduar në media, se është privatizuar nga njerëz të LDK-së, nga familjarë të Fatmir Rexhepit, ish ministër i LDK-së”

Ai shtoi se është folur më media që edhe Lutfi Haziri, ka qenë i afër me blerësit e kësaj ndërrmarrje.

“Është raportuar gjithmonë në media them edhe për afërsi me zotin Lutfi Hazirin”, tha Dugolli.

Çeku: e pyeti se pse në këtë rast kanë kundërshtuar ritenderimin, ai dhe Haki Shatri.

Ka përpjekje për të sjell në vendimmarrje, keni qenë ju dhe zoti Shatri që keni kundërshtuar ritenderimin e ndërrmarrjes?

Dugolli nuk u përgjigj nëse ka kundërshtuar apo jo, por tha se nuk i kujtohet se ka pasur ritenderim.

“Nuk më kujtohet nëse ka pas iniciativa për me u ritenderu.

Nuk më kujtohet unë nuk kam mbajtur qëndrim të tillë, që ka ndodhur, ka pasur raportime të mediave”, tha Dugolli.