Gjatë ditës së djeshme është mbajtur ceremonia vjetore e ndarjes së çmimeve “iHeartRadio Music Awards 2022”.
Këngëtarja shqiptare me famë botërore, Dua Lipa, ka arritur edhe këtë vit të rrëmbejë dy çmime të mëdha.
Përmes një postimi në rrjete sociale, Dua u shpreh se u zgjua me lajmin se ka fituar “Albumin e vitit” në zhanrin “dance” me “Future Nostalgia” dhe “Levitating” është shpallur “Kënga e vitit”.
“Zgjohem duke parë që kam fituar ‘Albumin e vitit’ në zhanrin ‘dance’ për ‘Future Nostalgia’ dhe ‘Këngën e vitit’ me Levitating në iHeart Radio Awards ndërsa isha në skenë në të parën performancë nga e dyta që do të mbahet në Los Angeles. Faleminderit shumë”, tha ajo.
Evenimenti madhështor ndërkohë u zhvillua në Shrine Auditorium në Los Angeles.
Këngëtarja në anën tjetër ka nisur turneun e saj botëror me “Future Nostalgia”, pas lehtësimit të masave kundrejt situatës me COVID-19.
