Dua Lipa dhe Sir Elton John janë bashkuar për një këngë të re, që quhet “Cold Heart”, në të cilën ai këndon një pjesë të melodisë së tij të vitit 1989 “Sacrifice”, ndërsa Dua këndon disa nga tekstet e këngës së tij të vitit 1972, “Rocket Man”, transmeton FrontOnline.

Elton shkroi në Twitter: “Jam shumë i emocionuar që më në fund do të jem në gjendje t’ju them se kam një single të ri me @DUALIPA, Cold Heart (@pnau Remix), që del këtë të premte. Mezi po ju pres të gjithëve për ta dëgjuar!”.

Edhe Dua është po aq e gëzuar për këngën. Ajo shkroi në Twitter: “Cold Heart me @eltonofficial, jam shumë e emocionuar !!! (@pnau remix) jashtë këtë të premte!!!!!!!!”. Elton pranoi se ai dhe Dua kishin një “përvojë të jashtëzakonshme” duke u bashkuar për melodinë.

Ai shkroi në Instagram: “Dua, të adhuroj, dhe ka qenë një përvojë e jashtëzakonshme duke e bërë këtë së bashku. Mezi pres që të gjithë ta dëgjoni!”. Dhe bukuroshja shqiptare i është përgjigjur: “Të dua!!!! Jam shumë e emocionuar”./FrontOnline/