Sot u zhvilluan dy ndeshje në kuadër të xhiros së 23-të në Ligën e Parë të Kosovës në futboll. 

Të dyja ndeshjet në program ishin nga Grupi A, shkruan Gazeta Olle.

Drenasi ka shënuar fitore tejet të rëndësishme ndaj Istogut me rezultat 2-1 në udhëtim.

Drenasi mbetet në vendin e parafundit në tabelë me 25 pikë, por tani me vetëm një pikë larg ikjes nga zona e rënies.

I rrezikuar mbetet edhe Istogu në vendin e gjashtë me 27 sosh.

Në ndeshjen tjetër, A&N ka shënuar fitore minimale 1-0 ndaj Rahovecit, duke kaluar kështu në pozitën e tretë në tabelë dhe duke rikthyer shpresat për barazh.

Ndërsa Rahoveci mbetet i rrezikuar në pozitën e shtatë me pikë të barabarta me Istogun.