Komandanti i misionit i KFOR të udhëhequr nga NATO, gjeneralmajor Enrico Barduani, priti Drejtorin e Inteligjencës së Mbrojtjes Finlandeze, gjeneral brigade Pekka Turunen në Shtabin e KFOR-it në Prishtinë.

Siç njofton KFOR përmes faqes zyrtare në Facebook, gjatë takimit, gjeneralmajor Barduani ndau pikëpamjen e tij për situatën aktuale të sigurisë në të gjithë rajonin.

Tutje, bëhet e ditur se nënvizoi përpjekjet e KFOR-it për të siguruar një mjedis të sigurt për të gjithë njerëzit që jetojnë në Kosovë dhe në mbështetje të dialogut të ndërmjetësuar nga BE-ja ndërmjet Prishtinës dhe Beogradit.

“KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt dhe të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme”, shkruhet ndër të tjerash në postim.