Aktori kontrovers Mel Gibson ka nxitur zemërimin e shumë amerikanëve për mënyrën se si e përshëndeti ish-Presidentin e SHBA Donald Trump.

Në të vërtetë, të dy u takuan në një turmë kur erdhën për të parë një luftë të UFC-s në Las Vegas, dhe Gibson e përshëndeti Trump-in, transmeton FrontOnline.

Dikush arriti të kapte gjithçka me një aparat fotografik dhe videoja shpejt filloi të shpërndahej në rrjetet sociale, ku menjëherë aktori u thirr dhe u fye për këtë veprim, dhe shumë shkruan se diçka e tillë nuk i befasoi ata.

Sipas Independent, disa kujtuan se si Mel kishte një histori të gjatë të komenteve raciste, antisemite dhe homofobe gjatë karrierës së tij.

“Mel Gibson duke përshëndetur Trump nuk duhet të habisë askënd. Nazistët po përshëndesin nazistë të tjerë”, “Mel Gibson, i cili shtiret si një ushtar, përshëndet Donald Trump, i cili shtiret si president.

Ka ca kuptim”, “Përshëndetja e Mel për Trump nuk është asgjë e re, ai është një antisemit”, “Sigurisht që Mel e përshëndeti Trump kur ata të dy i duan nazistët dhe supremacinë e bardhë”, “Mel, po të përshëndesim”, “Ajo që më habiti vërtet nuk ishte se ai e përshëndeti atë, por si e bëri atë. Unë prisja diçka tjetër ….”, ishin disa prej komenteve. Aktori  nuk është përgjigjur ndaj këtyre akuzave./FrontOnline/