Duket e pamundur, por është e vërtetë – ekziston një dietë në të cilën nuk keni pse të hiqni dorë nga ushqimi juaj i preferuar, por duhet të ndiqni një rregull.

Kjo dietë njihet si “5: 2”, dhe për shkak të saj, humbja e peshës nuk do të jetë më aq e vështirë sepse nuk është aq rigoroze sa dietat e tjera të famshme, transmeton FrontOnline.

Duhet të ndiqet vetëm një rregull, dhe ai rregull fshihet në vetë emrin e kësaj diete. Pra, pesë ditë në javë hani normalisht, dhe dy ditë hani vetëm 500 kalori në ditë. Ju mund të zgjidhni çdo dy ditë të javës, gjatë së cilës do të zvogëloni marrjen tuaj të kalorive në 500.

Kjo dietë është efektive nëse doni të humbni disa kilogramë, dhe është gjithashtu e mirë për uljen e kolesterolit, si dhe sheqerin. Gjithashtu, gjatë kësaj diete, ju duhet të pini dy litra ujë në ditë.

Ata që kanë provuar këtë dietë pohojnë se ishte shumë më e lehtë për ta të humbnin disa kilogramë sesa me dietat e tjera. Sidoqoftë, nuk rekomandohet t’i përmbaheni kësaj diete në afat të gjatë. Pas disa javësh duhet të bëni një pushim./FrontOnline/