Dy persona janë plagosur dje në Viti pas një mosmarrëveshjeje rreth një kontesti për pronë.

Policia ka bërë të ditur se të lënduarit janë dërguar për trajtim mjekësor, ndërsa ka konfiskuar dy armë, një “AK-47”, një pistoletë dhe rreth 20 fishekë.

“Raportohet se pas një mosmarrëveshjeje rreth kontestit pronësor, dy meshkuj kosovarë janë plagosur nga arma e zjarrit. Të lënduarit janë dërguar për trajtim mjekësor. Lidhur me rastin është arrestuar një i dyshuar mashkull kosovar. Nga të dyshuarit janë konfiskuar një ‘AK 47’, 4 fishekë dhe 14 gëzhoja të kalibrit 7.62 mm, një pistoletë e llojit ‘Sig 14’, 3 fishekë të kalibrit 9 mm, një pushkë gjuetie, një pistoletë ‘Sig auer’, 28 fishekë të kalibrit 9×19 mm”, thuhet në raportin e Policisë.

Po ashtu bëhet e ditur se me vendim të prokurorit, të tre personat e përfshirë janë cilësuar si të dyshuar dhe dërgohen në mbajtje.