×
  • Kronika
  • Kronika

    Detaje nga grabi*tja e djeshme te “Albi Mall” – Pesë persona të armatosur me AK-47, dyshohet se ishin pjesë e grabi*tjes – sigurohen pamjet e kamerave

    FrontOnline
    18 Mars 2025

    Po dalin detaje të reja nga grabitja e armatosur që ndodhi dje në afërsi të Qendrës Tregtare “Albi Mall”. Disa grabitës të armatosur dhe të organizuar ia mësynë sulmit ndaj punëtorëve të një kompanie për bartjen e parave.

    Gjatë shkëmbimit të zjarrit, një pjesëtar i sigurimit mbeti i plagosur. Përveç tij, plagë pësoi edhe njëri nga grabitësit, i cili u zbulua dhe tashmë po ruhet nga Policia.

    Drejtoria për Hetimin e Krimit të Organizuar dhe Krimeve të Rënda ka nisur hetimin në koordinim me Prokurorin e Shtetit për të identifikuar dhe kapur anëtarët e grupit kriminal, si dhe për të zbardhur në plotësi rastin.

    Sinjali ka mësuar se bazuar në informacionet e para pas mbledhjes së provave nga ana e Policisë, rezulton se pesë persona kanë qenë pjesë e këtij grupi.

    Të dyshuarit, të pajisur me armë të gjata të tipit AK-47 dhe me një automjet “Fiat pickup”, ngjyrë të bardhë, me targa gjermane, ia mësynë lokacionit ku ndodhej furgoni i kompanisë, rreth orës 10:30 të së hënës.

    Plani i grabitësve dështoi pasi nuk arritën ta kryejnë ‘punën’ dhe aty nisi shkëmbimi me armë zjarri, ku për pasojë punëtori i kompanisë që bartte para, Fahri Ademi mbeti i plagosur.

    Siç u raportua dje, gjatë përleshjes, u plagos edhe njëri nga të dyshuarit, Milos Vukojevic, i cili aktualisht po trajtohet në Qendrën Klinike Universitare të Kosovës (QKUK). Ai fillimisht kërkoi ndihmë mjekësore në Graçanicë pasi u arratis, por nuk shpëtoi nga Policia e Kosovës.

    Me vendim të Prokurorisë Themelore në Prishtinë, Vukojevic është ndaluar për 48 orë.

    Pas sulmit, autorët e tjerë u larguan nga vendi i ngjarjes dhe më vonë, vetura e tyre u gjet e djegur në fshatin Hajvali.

    Policia dhe Prokuroria njoftuan se po vazhdojnë hetimet intensive për zbardhjen e incidentit dhe kapjen e të gjithë personave të përfshirë.

    Nga Rubrika
    Kronika18 Mars 2025
    Një rrahje ka ndodhur në një lokal në rrugën “Xhon Kenedi” në Mitrovicë të Veriut. Policia ka bërë të ditur se një...
    Kronika18 Mars 2025
    Hajnat kanë hyrë në një shtëpi në Kaçanik, duke vjedhur kështu stoli ari. Policia ka bërë të ditur se rasti është duke...
    Kronika18 Mars 2025
    Dy të mitur janë arrestuar në Gjilan pasi kanë tentuar të kryejnë grabitje në një market. Ata e kanë sulmuar me shishe...
    Të tjera
    Bota/Rajoni18 Mars 2025
    Një aksident me vdekje ka ndodhur paraditen e sotme në Bërdicë. A2 CNN mëson se një person me motor është përplasur me...
    Lajme18 Mars 2025
    Klestor Veseli, djali i ish-kryeparlamentarit Kadri Veseli ka shkuar për homazhe për babanë e ish-presidentit Thaçi. Ai gjithashtu është shkruar në Librin...
    Lajme18 Mars 2025
    Kryeministri në detyrë, Albin Kurti, dje ka vizituar për ngushëllime familjet e dy vajzave që vdiqën në aksidentin e 14 marsit. Ai...
    Bota/Rajoni18 Mars 2025
    Një gjykatë e Bosnjës ka lëshuar një urdhër-arresti mbarëkombëtar për Milorad Dodik, presidentin e entitetit të Republika Serbe, si dhe për dy...
    Lajme18 Mars 2025
    Ka vdekur avokati nga Podujeva, Gëzim Namani. Lajmin e ka bërë të ditur kryetari i degës së LDK’së në Podujevë, Ekrem Hyseni....
    Lajme18 Mars 2025
    Zëvendëskomandanti i KFOR-it, Gjeneral Brigade Cahit Irican, së bashku me ekipet turke të Monitorimit të Lidhjes, ekipin e Bashkëpunimit Civil-Ushtarak dhe drejtuesit...

    FrontOnline, © 2025 Të gjitha të drejtat e rezervuara.