Deputetja e PDK-së, Blerta Deliu ka rezultuar pozitive në testin e bërë ndaj Covid19.

Pasi ditëve të fundit kanë rezultuar pozitiv edhe disa kolegë të Deliut-Kodrës, ka qenë deputetja ajo që ka njoftuar me rezultatin e marrë sot.

“Pas shfaqjes së disa simptomave kemi konsultuar mjekët dhe i jemi nënshtruar testit për Covid-19, me ç’rast unë dhe bashkëshorti kemi rezulutuar pozitiv. Sapo morëm rezultatet, u vetë-izoluam dhe do t’i nënshtrohemi këshillave mjekësore, deri sa ta kalojmë këtë gjendje.
U kërkoj ndjesë kolegë dhe aktivistëve të partisë që më duhet të ndërpres takimet dhe bashkëbisedimet me anetarët, simpatizantët por edhe qytetarët në përgjithësi, gjatë kampanjës që kemi filluar kohë më parë.
Lutem që kjo valë e infeksionit me virusin të kalojë sa më shpejtë dhe ju lus që të vazhdoni të mbani maskat, të kujdeseni për higjienën dhe ta ruani distancën” shkruan deputetja Deliu në njoftim.