Deputeti Ferat Shala nga Partia Demokratike e Kosovës është deklaruar për FrontOnline lidhur me mos ekzekutimin e pagave në sektorin publik ku ka ngritur shqetësime serioze mbi situatën e ekzekutimit të pagave në sektorin publik, duke e cilësuar atë si delikate dhe të shoqëruar me shkelje të ligjit. Ai thekson se keq menaxhimi i administratës publike dhe presionet politike nga institucionet e larta të qeverisë po ndikojnë negativisht në realizimin e pagave për punonjësit.
“Parimisht është një situatë delikate dhe po përcillet me shkelje të ligjit si rezultat i situatave dhe i keq menaxhimit të administratës publike dhe presionit që po bëhet mbi administratën, gjegjësisht institucionet e larta politike të qeverisë”, tha Shala për FrontOnline.
Shala argumenton se kjo situatë është një reflektim i ndërhyrjeve të papërshtatshme në institucionet e pavarura dhe ekzekutive, duke cenuar rendin ligjor dhe të drejtat elementare të punonjësve.
“ Në relacion pjesa e mos realizimit të pagave do të thotë është refleksion i skajshëm i ndërhyrjeve politike në institucionet e pavarura por edhe në institucionet ekzekutive të cilat kanë përjegjësi të mbajnë rregullin dhe rendin ligjor dhe kushtetues edhe në aspektin e realizimi të pagave dhe të drejtave elementare të punëtoreve ‘’, përfundoi Shala.
