Deputeti i Lëvizjes Vetëvendosje, Hekuran Murati ndërsa ka folur për deklarimin e zv.kryeministrit Driton Selmanaj, se kryeministri Avdullah Hoti e merr bukën me vete në punë, ka thënë se përkundër se qeveritarët po thonë se po hanë burek, faturat e shpenzimeve po dalin shumë të larta.

“Problemi nuk është te konsumimi i burekut, senuiçit, problem është te hipokrizia, ku përderisa thuhet që po ha burek, dalin faturat e shpenzimeve për dreka e darka që janë dhjetëra mijëra euro, pra këto i kemi pasur në këto qeveritë që po i përmendim”, ka thënë Murati në Reporteri.

Ai ka thënë se gjatë qeverisjes Kurti nuk ka pasur shpenzime mijëra euro për darka e dreka.

“Nuk ka pasur shpenzime dhjetëra mijëra euro në qeverinë Kurti për dreka e daraka, d.m.th, ka vazhduar një trajtshmëria, edhe te qeveria Haradinaj kemi parë një gjë të tillë, edhe tani kemi parë faturat vetëm prej udhëtimit të Skender Hysenit që nuk ka as post, nuk ka qenë i zgjedhur, madje nuk ka garuar në zgjedhje ku bashkishi e tejkalon shifrën e një dreke këtu, e le mos shpenzimi për drekën. Kemi një standard prej palës tjetër ku ndryshe tentohet të paraqitet qeverisja me këto improvizimet e në fakt mbrapa perdës ndryshe ndodh. Kurse në qeverinë Kurti, ka qenë i njëjti person si në protesta, aktiviete, njëjte ka qenë edhe në qeverisje”, ka deklaruar Murati.