×
  • Lajme
  • Lajme

    Deputeti gjerman: Po punojmë me shtetet mos njohëse të BE-së që ta njohin Kosovën

    FrontOnline
    19 Tetor 2024

    Thomas Hacker, deputet i Bundestagut nga partia FDP që është pjesë e koalicionit qeverisës mes socialdemokratëve të Olaf Scholzit dhe Të Gjelbërve të ministres së jashtme Annalena Baerbock, ka thënë se Gjermania po punon me shtetet mos njohëse të Kosovës.

    Në një intervistë për “Info Magazine” në Klan Kosova, ai tha se samiti i Procesit të Berlinit i zhvilluar në fillim të javës që po e lëmë pas, ka qenë një takim festiv, raporton Klankosova.tv.

    “Kemi pasur një sukses pas shumë viteve për një lloj tregu të përbashkët në BP. Nga ky samit të nisim një fillim të ri dhe për ne ky është një sukses i madh”.

    I pyetur nëse ka heshtje nga Gjermania, nga presidentja e KE-së, Ursula von der Leyen dhe nga Hungaria si kryesuese e Këshillit të BE-së, mbi kërkesën e kryeministrit Albin Kurti në Samitin e Procesit të Berlinit që Kosovës t’i hiqen masat dhe t’i jepet statusi i vendit kandidat për në BE.

    Hacker tha: “Kryeministri i Hungarisë ka një opinion personal për të gjitha gjërat që janë duke ndodhur dhe ai ka një agjendë personale. Ai kryeson BE-në dhe deri në fund do të jetë kështu. Albin Kurti e di shumë mirë se çfarë të kërkojë dhe e di mirë se si është situata brenda BE-së. Kemi ende anëtarë që s’e pranojnë Kosovën si shtet më vete, dhe derisa e kemi këtë situatë me disa shtete anëtare, duhet të kemi një heshtje të tillë. Gjermania në anën tjetër, në shumë raste e ka mbështetur Kosovën në KiE, në BE dhe po punojmë me shtetet tjera anëtare që ta njohin Kosovën që të ndërmerren hapa të mëtutjeshëm. Suksesi i Samitit ka qenë i mundur mu për shkak të faktit që Kosova në momentet e fundit u pajtua që disa masa të lirohen që Samiti të jetë i suksesshëm”, u shpreh Hacker, raporton Klankosova.tv.

    Deputeti gjerman u pyet sërish mbi “heshtjen e kancelarit Scholz”, teksa tha: “Kancelari Scholz nuk është i heshtur dhe nuk duhet të jetë i tillë. Mirëpo ka rrethana specifike sepse ai kur flet për BE-në, nuk ka një ofertë për Kosovën, jo për shkak të Gjermanisë por për shkak të shteteve tjera anëtare. Kur kjo qeveri u emërua tri vite më parë, ne filluam të riforcojmë Procesin e Berlinit i cili për një kohë të gjatë ka qenë si në heshtje, me caktimin e një deleguari për BP, ish kolegu im Manuel Sarrazin. Atij i janë dashur shumë biseda e bindje me shumë njerëz, sepse ne mendojmë që BP ka mundësi vetëm nëse i tejkalon situatat e së kaluarës. Se nëse tejkalojnë në atë që për momentin janë armiq, duhet ta pranojnë njëri-tjetrin, ta tolerojnë njëri-tjetrin nëse dëshirojnë të jenë pjesë e BE-së. Një gjë të tillë e kërkojmë edhe nga kancelari Scholz dhe nga kolegët tanë tjerë të Bundestagut të cilët udhëtojnë shpesh në regjion”.

    Njoftimi i KEDS: Nesër në këto zona do të ketë punime
    Nga Rubrika
    Lajme19 Tetor 2024
    Ministri i Mbrojtjes së Shqipërisë, Pirro Vengu, ka thënë se në takimet brenda Ministrave të Mbrojtjes të aleancës NATO, kishte shqetësime për...
    Lajme19 Tetor 2024
    Edward P. Joseph, në një fjalim të mbajtur në Pearson Institute në Çikago, ka folur edhe për problemin në mes të Kosovës...
    Lajme19 Tetor 2024
    Presidentja Vjosa Osmani tha se në takimet me me lidershipin e American Chamber of Commerce, si dhe me përfaqësuesit nga Google dhe...
    Të tjera
    Lajme19 Tetor 2024
    Lidhja Demokratike e Kosovës, përmes një reagimi ka shprehur shqetësimin e saj për ndryshimet e fundit në Ligjin për Tatimin në Pronë....
    Sport19 Tetor 2024
    Kryetari i Federatës Shqiptare të Futbollit, Armand Duka, ka folur për organizimin e përbashkët të evropianit me Serbinë dhe kritikat që mori...
    Lajme19 Tetor 2024
    Ushtarët e KFOR-it së fundi kanë kryer trajnime kundër trazirave dhe kontrollin e turmave në kampin ën Maxhunaj të Vushtrrisë. Përmes një...
    Lajme19 Tetor 2024
    Krijimi i një mjedisi të favorshëm për zhvillimin e ndërmarrësisë në Evropën Qendrore dhe Juglindore, ka bërë që Podujeva të jetë fituese...
    Lajme19 Tetor 2024
    Ambasadori i Mbretërisë së Bashkuar në misionin e OSBE-së me seli në Vjenë, Neil Holland, ka dhënë një deklaratë me rastin e...
    Bota/Rajoni19 Tetor 2024
    (Radio Evropa e Lirë) – Pas publikimit të rezultateve të regjistrimit të popullsisë në Mal të Zi, partitë proserbe përsëritën kërkesën e tyre...

    FrontOnline, © 2024 Të gjitha të drejtat e rezervuara.