“Sot e kemi lëshuar mbledhjen e Komisonit për legjislacion. Patëm të ftuar ministrin e Drejtësisë, Selim Selimi. Ka një kohë që mediat nuk e mbulojnë punën e Komisionit, por pa fajin e tyre. Sekretariati ia ka dhënë përgjegjësinë kryetarit të Komisionit, Shkëmb Manaj nga LDK-ja për këtë, por ai po refuzon të ftojë mediat. Për hir të transparencës dhe rëndësisë së projektligjeve të cilat bëhen për qytetarët, duhet që mediat të kenë praninë e tyre në të gjitha mbledhjet e Komisionit. Jemi të dakorduar si LVV që refuzojmë të jemi pjesë e Komisionit tash e tutje nëse kryetari nuk e kryen punën e vet për të cilën e ka direktivë nga Sekretarit i Kuvendit”, ka thënë Basha në një prononcim për media.

“Për hir të transparencës kemi debatuar edhe Projektligjin për Kodin Civil, i cili ka qenë një ndër aktetet më të mëdha krahas Kodit Penal, që është diskutuar në Komision, por s’ka pasur mbulim të mediave. Mirëpo, është e rëndësishme për qytetarët të kenë të gjitha informacionet para se me ardh në Kuvend. Ne si anëtarë të LVV-së, si deputetë dhe anëtarë të Komisionit për Legjislacion nuk do të jemi në mbledhje derisa ato nuk mbulohet nga mediat dhe kryetari nuk i fton publikisht ato”.