×
  • Lajme
  • Lajme

    Dënime të ulëta për shkaktarët e aksidenteve me fatalitet

    FrontOnline
    03 Nëntor 2019

    Një tejkalim në vijë të plotë, në korrik të këtij viti, shkaktoi një aksident të rëndë në Bërnjak të Rahovecit.

    Si pasojë e këtij veprimi, 5 persona mbeten të vdekur.

    E për këtë veprim, ngasësi i këtij mjeti, Durak Hoxhaj, të hënën nga Gjykata Themelore në Gjakovë, dega në Rahovec, u dënua me vetëm 3 vjet e 6 muaj burgim.

    Ndërkohë, një aksident që kishte tronditur vendin, kohë më parë kishte ndodhur në rrugën B në kryeqytet.

    Ngasësi i një veture, goditi për vdekje 2 persona të gjinisë femërore, deri sa po kalonin rrugën në vendin e dedikuar për këmbësor.

    Për këtë aksident ngasësi i veturës  Luftrim Musaj, fillimisht u dënua nga Gjykata Themelore me vetëm 3 vite e gjysmë heqje lirie.

    Pas ankesës së palës së dëmtuar, Gjykata e Apelit atij ia rriti dënimin në  5 vite burgim.

    Ndërkohë, familjarët haptazi kishin shprehur pakënaqësinë e tyre në lidhje me dënimet e shqiptuara për këto raste. Një rast i tillë kishte ndodhur brenda Gjykatës ku njëri prej familjarëve të viktimave pështyu shkaktarin e aksidentit. Ai ishte i indinjuar nga dënimi shumë i vogël.

    Por, pse këto dënime janë kaq të ulëta për shkaktarët e aksidenteve me pasoja fatale ?

    Njohësi i çështjeve juridike, Sevdali Zejnullahu, thotë se për këto veprime dënimi shkon deri në 8 vite.

    “Tek aksidentet e trafikut, në bazë të legjislacionit tonë që është në fuqi, për këtë vepër penale është e përcaktuar prej 1 deri në 8 vite burgim. Në parim, kjo vepër kryhet prej pakujdesisë, praj janë rastet kur një i pandehur i mbivlerëson aftësitë e tij”

    E sipas atyre që i monitorojnë këto seanca gjyqësore, gjyqtarët në Kosovë për raste të ndryshme të kësaj natyre, po përdorin arsyetime të njëjta.

    Gëzim Shala nga Instituti i Kosovës për Drejtësi, thotë se politika ndëshkimore në Kosovë, është e shthurur.

    “Në sistemin gjyqësor të Kosovës, politika ndëshkimore është e shthurur dhe jokonsistente, për arsye nuk kemi vlerësim të drejtë të rasteve, për ato që janë të ngjashme, kemi aktgjykime dhe dënime diametralisht të kundërta”

    Sipas Shalës, njëri nga qëllimet e shqiptimit të dënimit, është parandalimi i të tjerëve ta kryejnë veprën e njëjtë.

    Por kjo, sipas tij, nuk po ndodh në Kosovë.

    “Po shohim vazhdimisht dënime etj, po aksidentet veçse janë në rritje. Për këtë, nuk po arrihet qëllimi i dënimit që është parandalimi….”

    Ndryshe, sipas Policisë së Kosovës, vetëm në periudhën janar – shtator të këtij viti, 76 persona humbën jetën në aksidentet e trafikut në rrugët e Kosovës.

    Dyfish n’plus me ArtMotion
    Nga Rubrika
    Lajme27 Shkurt 2024
    Ministrja e Drejtësisë, Albulena Haxhiu, ka treguar se si presidentja Vjosa Osmani i ishte kërcënuar lidhur me dekretimin e Kryeprokurorit të Shtetit,...
    Lajme27 Shkurt 2024
    Deputeti i VV-së, Dimal Basha, ka dhënë një koment për pamjet që publikoi sot RTK teksa Milan Radoiçiq shihet duke rrahur brutalisht...
    Lajme27 Shkurt 2024
    Ministrja e Drejtësisë, Albulena Haxhiu, ka thënë se Qeveria e Kosovës, për herët të parë e ka prioritetizuar adresimin e dhunës në...
    Të tjera
    Vip27 Shkurt 2024
    Pas debateve të forta në shtëpinë e “Big Brother Vip” kanë nisur dhe rrëfimet personale. Rike Roçi teksa bisedonte me Julin ndau...
    Sport27 Shkurt 2024
    Adrian Bajrami ka rinovuar kontratën me Benfican. Ai është pjesë e ekipit të dytë – Benfica B. Qendërmbrojtësi shqiptar zgjati kontratën deri...
    Lajme27 Shkurt 2024
    Vendimi për dinarin serb është vendim politik, sipas analistit politik, Imer Mushkolaj, edhe pse, sipas tij, askush nuk e konteston se vendimi...
    Lajme27 Shkurt 2024
    Ambasadori i Gjermanisë në Kosovë, Jorn Rohde, ka shkruar për vizitën e disa deputetëve të Bundestagut gjerman në Kosovë. Ata për dy...
    Kronika27 Shkurt 2024
    Aksidenti me përfundim tragjik që ndodhi të hënën tek Ministria e Arsimit në Prishtinë nuk ishte i vetmi. Një ditë më parë...
    Lajme27 Shkurt 2024
    Zëvendësministri i Punëve të Jashtme dhe Diasporës, Kreshnik Ahmeti, priti në takim përfaqësuesin special të qeverisë federale të Gjermanisë për vendet e...

    FrontOnline, © 2024 Të gjitha të drejtat e rezervuara.