Përfaqësues të PDK-së bënë të ditur se kjo parti nuk do të ndryshojë qëndrim as në seancën e nesërme nëse Albulena Haxhiu do të jetë sërish kandidate Vetëvendosjes për kryeparlamentare.

Deputetit i PDK-së Fadil Demaku, tha për RTV21 se është përgjegjësi e LVV-së që të gjej zgjidhej por e njëjta sipas tij nuk e ka vullnetin për zhbllokim të ngërçit të krijuar duke e zvarritur procesin qëllimshëm për interesa partiake.

“Ne po besojmë që LVV-ja duhet të merr hapat e duhur që gjendja të ndryshohet dhe të zhbllokohet mendoj se nëse përsëritet situata e njëjtë s’ka asnjë arsye të ketë ndonjë ndryshim të PDK-së në qëndrimet e saj. Kandidatja e VV-së nuk e gëzon mbështetjen e deputetëve për shkak të qëndrimeve të saj jounifkuese…. Zgjidhja është krejtësisht në dorën e VV-së… Nuk mund të bësh imponim tek te tjerët duke këmbëngulur tek një emër kur nuk i ke numrat këtë mund ta bësh kur i ke numrat por jo unë po dua ta imponojë e t’i patjetër duhet të mi japësh numrat kjo nuk është askund në demokraci. Nëse dëshiron votën duhesh të jetë bashkëpunues dhe të gjesh një personalitet konsensual dhe të ecët përpara kur ke vullnet dhe dëshirë. Ky vullnet dhe dëshirë mendoj se në këto momente nuk ekziston të LVV-ja. Së paku deri më sot dhe qëllimshëm janë duke e zvarritur procesin duke kalkuluar në interesa e tyre të ngushta partiake”, tha Demaku për RTV21