Presidenti i Republikës Bajram Begaj dekretoi këtë të mërkurë ndrsyhimet në qeveri, të propozuara nga kryeministri Edi Rama.
Belinda Balluku lë kabinetin qeveritar në dy funksionet, si zëvendëskryeministre dhe ministre e energjisë dhe infrastrukturës, post të cilin e mbante që prej janarit 2019 ose për tre mandate.
Albana Kociut, e cila mbante postin e ministres së brendshme, do të jetë numri dy i qeverisë ndërsa Enea Karakaci do të jetë ministri i ri i Infrastrukturës dhe energjisë. Ai ka drejtuar OSHEE që nga qershori i vitit 2023 ndërsa ka mbajtur poste të rëndësishme në këtë dikaster.
Besfort Lamallari largohet nga drejtësia për tu rikthyer në ministrinë e brendshme, aty ku më herët, ka shërbyer si zëvendësminister. Në krye të drejtësisë kalon Toni Gogu, i cili deri më tani ka mbajtur postin e ministrit të shtetit për marrëdhëniet me parlamentin.
Vetëm pesë muaj qëndroi Elisa Spiropali në krye të diplomacisë. Edi Rama e shkarkoi nga posti i ministres për Evropën dhe Punët e Jashtme, duke ia besuar këtë dikaster Ferit Hoxhes, me një eksperiencë të gjatë në shërbimin e jashtëm.
Hoxha, i cili ka mbajtur postin e ambasadorit në Kombet e Bashkuara dhe Bashkimin Europian, drejton diplomacinë shqiptare në një moment vendimtar sa I përket anëtarësimit në familjen europiane.
Në qeveri nuk do jetë me as Pirro Vengu. Dikasteri i Mbrojtjes iu besua Ermal Nufit, i cili mbante postin e zëvendëssekretarit të përgjithshëm të këshillit të ministrave. Ndërsa ka shërbyer dhe si këshilltar ligjor në ministrinë e infrastrukturës dhe energjisë.
Një prurje e re është Erjona Ismali. Deputetja e Vlorës do të jetë ministrja e re për marrëdhëniet me parlamentin.
