Luiz Ejlli, banori i Big Brother Vip Albania 2, ka krijuar famë të jashtëzakonshme jashtë asaj shtëpie, për të cilën mund ta di deri diku, por jo të gjitha, sepse janë të kufizuar brenda asaj shtëpie pa informacion nga jashtë.
Që në fillim të edicionit ai filloi të shfaqej si një njeri i thjeshtë, duke mos përmendur shkollimin dhe arritjet e tij, derisa iu desh të tregonte për jetën e tij në një lojë që ia dha Big Brother.
Ai i habiti të gjithë banorët kur u tha se ishte avokat, se kishte punuar noter dhe kishte zyrën e tij ku punonte prej disa vitesh. Ai ka qenë edhe diplomat në Francë, ndërkohë që ka përfaqësuar Shqipërinë në Eurovizion si këngëtar. Kjo ka bërë që ai të admirohet aq shumë nga publiku si një njeri me shumë arritje në jetë por që i pëlqen të jetë shumë i thjeshtë, madje në një bisedë me Oltën tha se nëse fiton çmimin do të blejë një shtëpi sepse është me qira.
@646es #meluizin #fyp #🦁 ♬ original sound – ALBANIAN VIP
Por, në një video që qarkullon në rrjetin social Tik Tok, thuhet se Luizi ka shumë pasuri ku ka tre shtëpi, një në qytetin e tij në Shkodër, një në Francë ku jetonte prej disa vitesh dhe një shtëpi në Tiranë, ku ka jetuar për një kohë të gjatë i fundit.
Ndërsa sipas kësaj video ai ka edhe dy vetura të shtrenjta. A mund të jetë edhe kjo një mënyrë që Luiz të mos tregojë sa i pasur është, por të shfaqet sa më i thjeshtë, pa u kujdesur se çfarë mendojnë të tjerët për të në këtë drejtim?
