Dega e LDK-së në Gjilan, po vlerëson se qytetarët atje janë të zemëruar me Vetëvendosjen.
Në komunikatën e dërguar, u tha se një trafo u dogj, duke pamundësuar operimin dhe shkaktuar irritim të pronarëve ndaj Ekzekutivit të Komunës për shkak të “moskujdesit” ndaj tyre.
“Organizimin e grastronomisë në Gjilan po vazhdojnë ta përcjellin problemet e mëdha të funksionimit. Pas problemeve të përditshme me mungesën e rrymës deri në 30 orë në qytet e fshatra, sonte është djegur trafoja, duke ua pamundësuar operimin e duke shkaktuar irritim të pronarëve ndaj Ekzekutivit të Komunës për shkak të moskujdesit ndaj tyre”.
Subjekti politik opozitar tha se pushteti i VV-së në Gjilan, duke u munduar të përfitojë për nevoja elektorale, këtë organizim e shndërroi faktikisht në pakënaqësi n’fundvit
“Në vend se t’u qëndrojë mbrapa për mbarëvajtjen e organizimit të gastronomisë e cila u quajt si “Kënaqësi n’fundvit”, pushteti i VV-së në Gjilan, duke u munduar të përfitojë për nevoja elektorale, këtë organizim e shndërroi faktikisht në Pakënaqësi n’fundvit. Ndoshta po i presin punëtorët nga Banglladeshi për të sanuar dëmet në këtë trafo”.
“Është e kundërta e proklamimit të funksionarëve të VV-së: Gjilani është i ZEMËRUAR me ta më shumë se kurrë! Bashkë me faturat e shtrenjta të rrymës, vjen edhe terri e ftohti!”.
