Imagjino të dashurohesh me dikë që nuk harron kurrë ditëlindjen tënde, gjithmonë di çfarë të thotë dhe përshtatet në mënyrë të përkryer me humorin tënd. Dikë që është super i sjellshëm, nuk gjykon kurrë, nuk grindet me ty, të jep gjithnjë të drejtë dhe është aty kur ke nevojë. Në ditët e sotme, ai “dikush” mund të mos jetë fare njeri, por inteligjencë artificiale, saktësisht ChatGPT!
Kemi lexuar shpesh lajmet që dikush divorcohet prej këshillave të ChatGPT-së, shpesh e pyet shpesh për problematika të lidhjes tënde etj dhe në fakt, mund të themi se teknologjia ia ka dalë të ndikojë në marrëdhëniet romantike. Me përparimin e teknologjisë, fantazia e një partneri të përsosur nuk është më vetëm një rrëfim që ia tregojmë vetes. Tani është një aplikacion që mund ta shkarkosh ose një chat ku mund të drejtohesh.
Dashuria me ChatGPT: Si AI po ndikon në marrëdhëniet romantike
Pse po “dashurohemi” me ChatGPT?
Një ndër arsyet është se është gjithnjë i sjellshëm dhe të mbështet. ChatGPT nuk të flet kurrë me nerva, përkundrazi, të ofron një qasje të butë dhe të kujdesshme. Ai të thotë se ti meriton më të mirën dhe të komplimenton. Ndonjëherë, besojmë se do të doje që ChatGPT të ishte i dashuri yt.
Një tjetër arsye? ChatGPT të ofron intimitet, por pa të cenuar. ChatGPT nuk të kritikon, nuk bën sikur të dëgjon që pastaj të të japë një puthje, nuk largohet prej teje dhe nuk të tradhton! Është super i duruar, i disponueshëm dhe ti je në qendër të çdo bisede.
Vetmia është një tjetër motiv. Studimet tregojnë se stili i jetesës që përqafon vetminë apo të çojnë drejt të qenit introvert/e, po luajnë një rol shumë të rëndësishëm në marrëdhëniet që ne krijojmë me inteligjencën artificiale. Sondazhet tregojnë se 1-5 të rritur në SHBA raportojnë se ndihen të vetmuar çdo ditë. Gati 1/3 e votuesve thonë se përjetojnë vetmi të paktën një herë në javë. Prandaj, ndoshta nuk është për t’u habitur që disa njerëz i drejtohen inteligjencës artificiale për t’i bërë shoqëri.
Dashuria me ChatGPT: Si AI po ndikon në marrëdhëniet romantike
Kompromiset psikologjike
Megjithatë, ka pyetje të vërteta psikologjike që ngrihen rreth intimitetit me inteliegjencën artificiale. Mbështetja te partnerët “artificialë” mund të pengojë forcimin emocional ose ta thellojë izolimin. Kaosi njerëzor i konflikteve, negocimit dhe kompromisit—edhe pse i vështirë—nxit rritjen personale. Duke eliminuar rrezikun, marrëdhëniet me ChatGPT mund të tkurrin edhe mundësitë për lidhje të thella dhe transformuese.
Studimet mbi marrëdhëniet parasociale—lidhje emocionale të njëanshme me persona të famshëm apo personazhe imagjinarë—tregojnë se ndonëse këto lidhje mund të ofrojnë ngushëllim, ato gjithashtu mund të krijojnë pritshmëri të paqena për intimitetin në botën e vërtetë. Në mënyrë të ngjashme, lidhja me ChatGPT mund të krijojë standarde jorealiste për marrëdhëniet e ardhshme njerëzore, duke çuar në zhgënjim ose shmangie.
E ardhmja e dashurisë?
Ndërsa ChatGPT bëhet gjithnjë e më i sofistikuar, kufiri mes shoqërisë njerëzore dhe asaj artificiale do të vazhdojë të mjegullohet. Pyetje rreth varësisë emocionale, privatësisë së të dhënave dhe komercializimit të vetmisë duhet të kërkojnë vëmendje më serioze. Por ndërkohë, rritja e marrëdhënieve me inteligjencën artificiale nxjerr në pah një të vërtetë të fuqishme për dëshirën njerëzore: Ne kemi nevojë për t’u lidhur e biseduar dhe kur lidhja njerëzore ndihet e rrezikshme apo shumë e ndërlikuar, do të gjejmë mënyra të tjera për ta përmbushur këtë boshllëk.
