Ish-banorja e Big Brother VIP Albania 4, Danja, ka reaguar për herë të parë pas daljes nga shtëpia më e famshme në Shqipëri.

E ftuar në emisionin “Fan Club”, ajo zbuloi se është takuar me partnerin e saj, Redin, dhe se tashmë gjithçka mes tyre është sqaruar.

“Më ka folur për ato lajmet që kanë qarkulluar. Ne kemi diskutuar për gjithçka që ndodhi brenda shtëpisë… edhe shumë dashuri, normalisht”, u shpreh Danja, duke shtuar se “nuk janë përshëndetur” ende siç duhet, për shkak të gjithë rrëmujës.

E pyetur për deklaratat e G Banit, ajo tha shkurt: “Nuk di asgjë për këtë”, duke mos preferuar të komentojë më shumë.

Por reagimi i G Banit nuk vonoi…

Në një prononcim, ai tha hapur se ka pasur ndjenja për Danjën, por se nuk e fajëson partnerin e saj për situatën.

“Kam qenë i dashuruar, po. E kam përkujdesur dhe ndjenjat s’mund t’i kontrollosh. Por… nuk më tërheq më diçka nga personaliteti i saj”, tha ai, duke lënë të kuptohet se ndjenjat kanë marrë fund./Sinjali