Tetë persona kanë mbetur të lënduar pas një aksidenti që ka ndodhur pas mesnate te Mensa e Studentëve.

Lajmin për Front Online e ka konfirmuar zëdhënësja e Policisë për Rajonin e Prishtinës, Florie Ahmeti.

Sipas saj, të lënduarit janë dërguar për trajtim në QKUK.

Aksidenti ka ndodhur në udhëkryqtin tek rrugët “Eqrem Qabej” dhe “Agim Ramadani” dhe janë përfshirë dy vetura, njëra e tipit Audi A3.

“Rreth orës 02:00, është pranuar informata për një aksident trafiku rrugor të ndodhur në udhëkryqin që lidhë rrugët ‘Eqrem Çabej’ dhe ‘Agim Ramadani’. Në aksident janë përfshirë dy automjete, ku tetë persona kanë pësuar lëndime trupore. Të njëjtit janë dërguar në QKUK për trajtimin e nevojshëm mjekësor”, ka thënë Ahmeti.

Në media janë publikuar pamje nga vendi ku ka ndodhur aksidenti, pamje të cilat mund t’i shihni më poshtë.//Front Online