Performanca e Rihannës në “Super Bowl”, ishte ndër performancat më magjike.

Ylli botëror me performancën e saj shoqëruar nga valltarë profesionist, tashmë është ndër më të shikuarat në botë, shkruan lajmi.net.

Por, kjo nuk ishte e gjitha, pasi vëmendjen më të madhe e mori zbulimi i  shtatzënisë së dytë që ajo bëri pikërisht gjatë performancës.

Performancën e saj e ka rikrijuar edhe këngëtarja e njohur shqiptare, Dafina Zeqiri.

Së bashku me dy valltarë, këngëtarja ka rikthyer një skenë të shkurtër nga performanca e Rihannas.

Dafina shihet e veshur e tëra në të kuqe ndërsa ka vendosur edhe një barkë artificial për të improvizuar shtatzëninë teksa dy valltarët e veshur në të bardha kërcejnë prapa saj.

“Me dy super vëllezërit” ka shkruar Dafina në mbishkrimin e videos ndërsa nuk dihet nëse po sjell një bashkëpunim me valltarët për ndonjë projekt të saj të ardhshëm muzikor.