Këngëtarja e shumë hiteve, Dafina Zeqiri, duket se ka gjetur së fundmi pak kohë për të pushuar pas publikimit të projekteve muzikore të shumta.
Së bashku me të dashuri e saj, DJ Geek, kanë vizituar së fundmi vendlindjen e saj, Suedinë.
Ajo vendosi që mëngjesin e së hënës të ndajë me ndjekësit e saj në Instagram disa fotografi nga vizita e çiftit në një prej zonave rurale të Horbyt.
Ajo mund të shihet duke kaluar momente të këndshme në shoqëri të Geek-ut, teksa kanë shijuar së bashku një vizitë në fshat.
E veshur me tuta sportive dhe një peliqe të verdhë, Zeqiri është dukur tejet atraktive në pozat e ndara me ndjekësit e saj.
Ndërkohë, kjo paraqitje e saj vjen pak ditë pasi ajo publikoi baladën “Faj” në bashkëpunim me reperin Elinel, që është pritur mirë nga publiku.
