Një marrëveshje armëpushimi midis Izraelit dhe grupit militant libanez Hezbollah është “shumë afër”, tha një burim rajonal për CNN të dielën.

Burimi rajonal sugjeroi se ndërsa marrëveshja ishte më afër se kurrë, ajo ende nuk ishte formuar plotësisht. Zyrtarët amerikanë dhe izraelitë paralajmëruan se ende nuk u ishte dhënë drita jeshile ndërmjetësuesve.

“Ne po ecim në këtë drejtim, por ka ende disa çështje për t’u trajtuar”, tha një zëdhënës i kryeministrit izraelit Benjamin Netanyahu për CNN.

Izraeli nisi një ofensivë të madhe në Liban në mesin e shtatorit, pas disa muajsh të sulmeve kufitare, të cilat filluan kur Hezbollahu sulmoi Izraelin, në solidaritet me Hamasin dhe palestinezët në Gaza.

Më herët të dielën, një zyrtar izraelit i tha CNN se Netanyahu kishte mbajtur një konsultim sigurie në lidhje me propozimet e armëpushimit. /A2cnn