Prodhuesit e makinave janë në një garë të vazhdueshme për fitime. Në fund të fundit, këtu nuk bëhet fjalë për shoqata humanitare, por për kompani që kanë një strukturë të qartë aksionere.
Në pjesën më të madhe, modelet që nuk sjellin përfitim të madh nuk mund të mbahen në prodhim dhe kemi një ndryshim të madh në teknologji që vjen, me makinat elektrike që zëvendësojnë ngadalë modelet me djegie të brendshme. Motor1.com ka një listë të modeleve që do të dalin nga prodhimi vitin e ardhshëm, kështu që ne do t’i listojmë ato, transmeton FrontOnline. Ka makina evropiane dhe amerikane dhe disa, do të thoshim, modele legjendare…
Kështu, gjatë vitit të ardhshëm, do të ndërpritet prodhimi i Audi R8 dhe TT (legjenda, 25 vjet nga modeli i parë), Chevrolet Bolt EV, Chrysler 300 (pothuajse i pandryshuar në treg prej 18 vitesh), Dodge Challenger, Charger dhe Hellcat (pasuesit elektrik po vijnë), Ferrari Portofino M, Ford Edge dhe Fiesta, Kia Stinger, McLaren 720S, Mercedes-Benz C-Class Cabrio and Coupe, CLS, E-Class Cabrio dhe Coupe dhe Nissan Maxima./FrontOnline/
