Kosovarë të cilët jetojnë në Vjenë konsiderojnë se imazhi i shqiptarëve është dëmtuar në masë të madhe pasi sulmuesi në Vjenë doli të jetë shqiptar.

Abedin Sutaj i cili prej vitesh jeton në kryeqytetin austriak rrëfen për përvojë jo të mirë pas sulmit nga një shqiptar të cilin shteti i Austrisë e cilësoi terrorist.

Pasojat e veprimeve të tilla ekstremiste Kosova, përkatësisht shqiptarët do t’i vuajnë një kohë të gjatë, thotë ai.

“Dikush duhet me i thënë ndal kësaj shtrese”, tha ai për RTV21.
Një qytetare tjetër shqiptare e cila po ashtu jeton në Vjenë tha se ngjarja e sulmit terrorist u rënda edhe më shumë kur u kuptua se autori i krimit është shqiptar.

“Ka kaluar më shumë se një javë dhe ne ende e diskutojmë këtu me shoqëri”, thotë ajo.