Siç e dimë të gjithë tashmë, hidratimi është çelësi për funksionimin e duhur të trupit tonë dhe pirja e ujit ka përfitime afatshkurtra dhe afatgjata për shëndetin tonë.
Gjatë ditës, ekspertët na këshillojnë të pimë rreth dy litra ujë dhe ky ritual duhet të fillojë sapo të zgjohemi dhe këto janë arsyet.
Shëndeti i lëkurës
Uji ndihmon trupin tonë të heqë qafe toksinat më shpejt, dhe kështu lëkura jonë bëhet më e shëndetshme dhe më rrezatuese. Studimet kanë treguar se pirja e ujit në mëngjes përmirëson qarkullimin dhe ndikon në formimin e qelizave të reja, ndërsa mungesa e ujit në trup nga ana tjetër ndikon në shfaqjen e rrudhave dhe poret e zmadhuara më të thella.
Pesha e tepërt
Përveç faktit se duke pirë ujë bëhemi më pak të uritur dhe nuk kemi “sulme urie”, pirja e ujit në mëngjes ndihmon trupin të largojë toksinat dhe në të njëjtën kohë, fillojmë punën e zorrëve.
Përshpejtoni metabolizmin
Pirja e ujit me stomakun bosh përshpejton metabolizmin me 24%. Dhe duke përshpejtuar metabolizmin, trakti ynë tretës e tret ushqimin më shpejt. Gjithashtu, uji pastron zorrët, gjë që e bën më të lehtë për organet thithjen e lëndëve ushqyese nga ushqimi.
Flokë më të shëndetshëm
A e dini se 25% e peshës së një floku është ujë? Dhe kur jemi të dehidratuar, flokët tanë bëhen të brishtë dhe të hollë. Një arsye tjetër për të pirë ujë në mëngjes janë flokët më të shëndetshëm dhe më të fortë.
Zbut urthin
Urthi mund të shkaktojë një rritje të acidit në stomak, si dhe një refleks acid në ezofag, dhe pirja e ujit në mëngjes e kthen acidin në stomak. Gjithashtu, kur të vijë koha për mëngjes, nuk do të ndjeni simptomat e urthit.
Shëndeti i veshkave dhe fshikëzës
Acidi gjithashtu mund të ndikojë në shfaqjen e gurëve në veshka. Prandaj uji e parandalon këtë fenomen sepse pastron veshkat. Gjithashtu, pirja e ujit ndihmon trupin të largojë toksinat që ndikojnë në proceset inflamatore në fshikëzën urinare.
Sistemi imunitar më i fortë
Uji në stomak bosh balancon sistemin limfatik dhe një sistem limfatik i qëndrueshëm forcon sistemin imunitar./FrontOnline/
