Ndërsa shumë njerëz e pëlqejnë vërtet pulën e skuqur, ajo ende nuk është një pjatë që duhet ta shijoni rregullisht. Të jem plotësisht i qartë – të hahet mish pule herë pas here nuk është një punë e madhe. Por nëse e hani çdo ditë, mund të keni probleme. Këtu janë disa gjëra që mund t’ju ndodhin nëse konsumoni pulë të skuqur çdo ditë.

Ju mund të ndiheni të fryrë

Ushqimet me yndyrë si pula e skuqur ngadalësojnë tretjen, dhe kjo mund të rezultojë në një ndjenjë të fryrjes. Ushqimet e skuqura përmbajnë shumë yndyra të ngopura dhe trans që ju bëjnë të ndiheni sikur nuk mund të kopsisni pantallonat tuaja. Simptomat do të përshkallëzohen nëse tashmë keni probleme me tretjen.

Ju mund të shtoni peshë

Nëse zgjidhni gjithmonë versionin e skuqur të sandviçit tuaj të preferuar të pulës, mund të grumbulloni edhe disa kile shtesë. Pula e skuqur përmban shumë më shumë kalori sesa ndodh me versionet e pjekura të mishit të pulës. “Kur skuqet, ushqimi bëhet më i ngopur me kalori, sepse jashtë humbet ujë dhe thith yndyrën”, thotë Asheley Kitchens. Vajrat në të cilët ushqimi është skuqur mund të përmbajnë yndyra trans që rrisin nivelet e kolesterinës së keqe. Ajo, siç e dini tashmë, mund të bllokojë arteriet dhe të shkaktojë sëmundje të ndryshme kardiovaskulare. Për të parandaluar grumbullimin e kilogramëve të padëshiruar dhe problemet e zemrës në të ardhmen, zvogëloni konsumin e ushqimeve të skuqura.

Ju mund të ndjeheni të plogësht

A jeni ndjerë i ngadaltë pasi keni ngrënë disa copa krahësh të skuqura dhe patate të skuqura? Rezulton se rreth 95 për qind e furnizimit të trupit me serotonin, hormoni që na bën të ndihemi mirë, prodhohet nga bakteret e përfshira në tretje. Për të mos përmendur që trakti tretës është i mbushur me miliona qeliza nervore, neurone, të cilat ndihmojnë në prishjen e ushqimit dhe madje marrin pjesë në rregullimin e humorit. Nëse hani shumë mish pule të skuqur, në thelb jeni duke e mbushur aparatin tuaj tretës me ushqime që mund të çojnë në shumëzimin e baktereve të këqija, shkruan Eat This.

Ju mund të rrisni rrezikun e vdekjes

Ne e dimë që kjo tingëllon shumë dramatike, por shkenca mbështet një deklaratë si kjo. Në vitin 2019, një studim i botuar në BMJ zbuloi se gratë që hanin një porcion të pulës së skuqur një herë në ditë kishin një rrezik 13 për qind më të lartë të vdekjes në krahasim me ato që nuk hanin ushqime të skuqura./FrontOnline/