Një burrë është arrestuar pasi ka sulmuar fizikisht ish-bashkëshortën e tij dhe një koleg të saj në ambientin e punës. Rasti ka ndodhur përgjatë pasditës së të hënës, në veri të Mitrovicës.
Lajmi është bërë i ditur nga Policia e Kosovës në raportin 24-orësh, duke thënë se dy të lënduarit kanë marrë tretman mjekësor.
“Mitrovicë-Veri,02.05.2022 – 17:30. Është arrestuar i dyshuari mashkull kosovar, pasi që ka shkuar në vendin e punës të ish bashkëshortes së tij viktimës femër kosovare, ka sulmuar fizikisht ish-bashkëshorten dhe një kolegë të saj mashkull kosovar. Viktimat kanë pranuar tretman mjekësor. Me vendim të prokurorit, i dyshuari është dërguar në mbajtje”, thuhet në raportin 24-orësh të Policisë.
