Burim Kukeli ka nisur një tjetër epokë në karrierën në futboll. Të enjten, ish-reprezentuesi i Shqipërisë është zyrtarizuar trajner i ekipit U21 të klubit të madh zviceran, Grasshopper.
Kukeli deri më tani ishte në stafin e trajnerëve të Sionit. Ai është pajisur me licencën Profi të UEFA-s.
Ish-mesfushori ka nisur karrierën e trajnerit si ndihmës te Kriensi e më pas ka punuar asistent te Wili.
Kukeli ka luajtur për Shqipërinë nga viti 2012 e deri në vitin 2017. Është shquar për përkushtimin dhe disiplinën.
Ai ka luajtur tërë karrierën në Zvicër. Kulmin e arriti te Luzerni dhe te Zuerichu.