Pothuajse tre vjet pas promovimit të parë të modelit Centodieci të Bugatti (me vlerë 8.9 milionë dollarë), kopja e parë është gati për dorëzim te klienti.

Vetëm 10 njësi janë planifikuar të prodhohen dhe kopja e parë gati për blerësin u shfaq të martën në fabrikën e Bugatti-t në Molsheim, Francë.

Makina është në një ngjyrë të quajtur EB110 Blue, e cila është një variant i ngjyrës blu të përdorur për EB110 origjinale. Ngjyra blu e kombinuar me rrotat e argjendta është i njëjti konfigurim si në EB110 i cili është tashmë në koleksionin e pronarëve të këtij Centodieci të parë.

Dizajni i brendshëm i Centodieci është gjithashtu i frymëzuar nga EB110, veçanërisht versioni Super Sport. Procesi i krijimit të brendësisë së Centodieci zakonisht zgjat rreth 16 javë, duke përfshirë të gjithë ditën vetëm për ndenjëset.

Centodieci u prezantua në vitin 2019 si pjesë e EB110 (Centodieci në italisht do të thotë “110”), dhe makina është më e fundit në një linjë në rritje të specialiteteve moderne të bazuara në Bugatti Chiron.

Centodieci fuqizohet nga motori i famshëm 8.0-litërsh W16 me katër turbongarkues. Këtu, motori është vendosur të japë 1577 kuaj fuqi, ose 97 kuaj fuqi më shumë se Chiron, dhe Bugatti pretendon se makina do të përshpejtojë nga 0-100 km/h për 2.4 sekonda.

Shpejtësia maksimale është e kufizuar në 380 km/h, që është më e ulët se shpejtësia maksimale e Chiron prej 420 km/h./FrontOnline/