Në Bruksel sot do të mbahet samiti i liderëve të Bashkimit Evropian dhe të Ballkanit Perëndimor ku ndër temat kryesore janë plani i rritjes, siguria dhe politika e jashtme, lufta në Ukrainë luftimi i kërcënimeve hibride dhe kibernetike, dhe migracioni.

Kosova në këtë takim përfaqësohet nga presidentja Vjosa Osmani ku do të jetë pjesë e samitit përkrah liderëve të vendeve anëtare të BE-së, si dhe atyre nga Ballkani Perëndimor.

Gjatë darkës në kuadër të këtij samiti, liderët do të diskutojnë ngjarjet gjeopolitike dhe sfidat që prekin si Ballkanin Perëndimor ashtu edhe BE-në.

Samiti do të drejtohet nga presidenti i ri i Këshillit Evropian, Antonio Costa.

Pritet që në fund të samitit të miratohet një deklaratë.