Këngëtarja Britney Spears komentoi rreth një dokumentari të bërë në lidhje me jetën e saj, të quajtur “Framing Britney”. Ajo publikoi një postim në llogarinë e saj në Instagram, së bashku me këngën “Crazy”, nga grupi ‘Aerosmith’, ku shprehet në lidhje me këtë dokumentar.

“Kishte gjithmonë thashetheme në lidhje me jetën time, mua më vëzhgonin vazhdimisht dhe më gjykonin vazhdimisht. Për të mbajtur mendjen time të shëndoshë, unë vallëzoj me Stephen Tyler çdo natë për t’u ndjerë njerëzore dhe e gjallë. Gjatë gjithë jetës sime kam qenë e ekspozuar ndaj shfaqjeve para njerëzve. Jam e lënduar sepse ata gjithmonë më kanë dënuar, fyer dhe turpëruar, dhe ata e bëjnë atë edhe sot”, shkroi ajo.

“Unë nuk e shikova tërë dokumentarin, por për aq sa pashë, më vjen turp për mënyrën se si u portretizova. Kam qarë për dy javë, dhe ende nganjëherë qaj. Unë bëj gjithçka që mundem për të mbajtur lumturinë time dhe dashuria, vallëzimi më sjellin gëzim çdo ditë. Unë nuk jam këtu për të qenë e përkryer… është krejtësisht e mërzitshme”, ka shkruar Britney Spears. Në një dokumentar të New York Times, këngëtarja tregohet përmes prizmit të ngritjeve dhe rënieve si dhe në marrëdhëniet me media. Adhuruesit e saj themeluan lëvizjen “Free Britney” në vitin 2019, duke shpresuar të fitonin një betejë ligjore me babanë e saj, Jamie Spears, i cili ka kujdestarinë ndaj saj dhe të pasurisë së saj./FrontOnline/