Pasi ai më në fund fitoi betejën e gjatë për kujdestarinë e përbashkët të fëmijëve, tabloidët britanikë shkruajnë se Brad ka filluar lidhjen me një aktore me të cilën u takua gjatë çmimeve Oskar. Britanikja “The Mirror” shkruan se Brad Pitt 57-vjeç është sërish i dashuruar. Gazeta thekson se ai shkëmbeu numrat e telefonit me këngëtaren dhe aktoren Andra Day (36), të cilën e takoi në Oskarët e këtij viti.

“Ata flirtuan në prapaskenë dhe shkëmbyen numrat”, tha shkurtimisht një burim, duke shtuar se shkëmbimi mund të ketë qenë për biznes. Mirëpo, tani ata janë parë së bashku në disa raste dhe burime të afërta me aktorin, thonë se ata kanë filluar lidhjen, por se ende është në fazën e hershme. Day luajti rolin e Billy Holiday në filmin “Shtetet e Bashkuara kundër Billie Holiday” dhe ajo u nominua për rolin më të mirë kryesor femër. Edhe pse nuk fitoi një Oskar, ajo shkëlqeu në tapetin e kuq me një fustan të artë me një dekolte të lartë./FrontOnline/