Edhe pse BMW filloi herët me modelet e elektrizuara i3 dhe i8, prodhuesi bavarez ka mbetur prapa konkurrencës vitet e fundit kur është fjala për automjetet elektrike.

Pra, tani ka ambicie të mëdha në këtë fushë, duke përfshirë lansimin e katër modeleve të reja elektrike në dy vitet e ardhshme që do të bashkohen me i4, iX3 dhe iX ekzistues, transmeton FrontOnline.

Kështu vitin e ardhshëm, BMW do të lansojë versionet elektrike të Serisë 7 dhe SUV kompakt X1. Karakteristikat teknike të këtyre modeleve mbeten të fshehta, por dihet se gama elektrike do të prodhohet në Dingolfing të Gjermanisë, ndërsa fabrika në Regensburg do të jetë shtëpia e X1 elektrike.

Në vitin 2023, prodhuesi bavarez do të shtojë Serinë 5 në modelet e përmendura në MINI Countryman elektrike. Ashtu si Seria 7, edhe Seria 5 elektrike do të bëhen në Dingolfing, ndërsa Countryman elektrike do të prodhohet në Leipzig.

Duke folur kohët e fundit për rezultatet e shitjeve të kompanisë, CEO i BMW Oliver Cipse tha se prodhuesi i makinave praktikisht po investon gjithçka në automjetet elektrike.

“Ne jemi plotësisht të përkushtuar ndaj makinave elektrike kudo që ka kuptim përdorimi i automjeteve me bateri. Deri në vitin 2023, ne do t’u ofrojmë klientëve tanë të paktën një opsion plotësisht elektrik në pothuajse të gjitha segmentet e automjeteve tona, dhe në 10 vitet e ardhshme synojmë të lëshojmë një total prej rreth 10 milion automjete elektrike të pastra”.

Pas kësaj, në periudhën deri në vitin 2025, BMW do të prezantojë modelin e saj të parë të bazuar në platformën mekanike “Neue Klasse”, e cila është projektuar kryesisht për automjetet elektrike, por gjithashtu mbështet versionet me naftë, benzinë ​​dhe hibride plug-in. Do të përdoret nga modele të ndryshme të markave BMW dhe Rolls-Royce./FrontOnline/