Në media kanë filluar të publikohen disa biseda ku në të përfshihen zyrtarë të lartë të LDK-së, përfshirë ish-shefin e Grupit Palrmantar të LDK-së, deputetin Kujtim Shala, ish-kryeministrin Avdullah Hoti, kryetarë komunash e zyrtarë tjerë të partie, mesin e tyre është edhe kreu i LDK-së¸ Lumir Abdixhiku.
Në raportimin e medias Reporteri, thuhet se Ish-shefi i grupit parlamentar të LDK-së po këmbëngulte se ka pasur vjedhje të votave dhe insistonte që skemës, që sipas tij u orkestrua nga disa bashkëpartiakë, t’i vihet emri “skemë kriminale”
“Faktet po ulërasin o Kujtim. Ti duhet me u pajtu me shqetësimin, për krimin qe ka ndodhë”, shkruante Arben Gashi në grupin në “Viber” të kryesisë qendrore të LDK-së.
“Asnjë manipulim nuk është i tolerueshëm”, i përgjigjej Kujtim Shala. “Për të gjitha”, komunikimi mes tyre.
“Kujtim, qitja emrin, nuk është manipulim, është skemë e organizuar kriminale. Pa e identifiku sakt problemin nuk mundemi me e shpëtu partinë”, insistonte Arben Gashi në mesazhin në grupin në Viber të kryesisë së LDK-së shkruhej në këto mesazhe.
E pas saj për FrontOnline, ka folur Arben Gashi, ish-shef i deputetëve të LDK-së dhe po ashtu ‘’protagonist’’ i bisedës.
Gashi nuk e mohon të ketë ndodhur biseda.
I pyetur nga FrontOnline se çfarë ka ndodhur më saktësisht dhe pse mendon se po bëhet publikimi i bisedave, po ashtu i pyetur se a janë të vërteta, Gashi shkurt për FrontOnline, ka thënë se s’ka koment.
‘’S’kam koment’’ tha shumë shkurt Gashi.
FrontOnline ka pyetur edhe Kujtim Shalën për këto biseda, por deri në publikimin e këtij artikulli nuk kemi pasur përgjigjie nga ana e tij/FrontOnline/
