Referuar të dhënave zyrtare të Policisë së Kosovës (PK) shihet se gjatë periudhës janar-mars 2023 në vendin tonë kanë ndodhur 2632 aksidente komunikacioni me dëme, nga 2924 sa kishin ndodhur gjatë periudhës së njëjtë të vitit paraprak. Nëse bëjmë një krahasim mes periudhave shihet se gjatë tremujorit të parë të këtij viti numri i aksidenteve më lëndime është 6,18 % më i vogël në raport me periudhën e njëjtë të vitit paraprak. Referuar të dhënave zyrtare të Policisë së Kosovës shihet se gjatë periudhës janar-mars 2023 në Kosovë kanë ndodhur 18 aksidente fatale komunikacioni, nga 22 sa kishin ndodhur gjatë periudhës së njëjtë të vitit paraprak. Sivjet, gjatë tremujorit të parë të vitit sipas të dhënave të Policisë jetën e kanë humbur 23 qytetarë, nga 27 sa e kishin humbur gjatë periudhës së njëjtë të vitit paraprak. Numri i qytetareve që kanë humbur jetën gjatë tremujorit të parë të këtij viti është 14,81 % më i vogël në raport me tremujorin e parë të vitit paraprak, deri sa numri i aksidenteve fatale është për 18,18 % më i vogël në raport me periudhën e njëjtë të vitit paraprak.
2632 aksidente më dëme
Sipas të dhënave të Policisë 2632 aksidente komunikacioni më dëme kanë ndodhur në Kosovë gjatë periudhës janar-mars 2023, nga 2924 aksidente komunikacioni më dëme kanë ndodhur në Kosovë gjatë periudhës janar-mars 2022. Nëse bëjmë një krahasim shihet se 9,99 % ka rënë numri i aksidenteve më dëmeve gjatë periudhës janar-mars 2023 në raport me periudhën janar-mars 2022. Nëse e shikojmë numrin total të aksidenteve në komunikacion sipas të dhënave të Policisë së Kosovë shihet se 4248 aksidente komunikacioni kanë ndodhur në vendin gjatë periudhës janar-mars 2023, nga 4528 aksidente komunikacioni sa kishin ndodhur në vendin gjatë periudhës janar-mars 2022, ka raportuar Front Online. Nëse bëjmë një krahasim shihet se 6,18 % ka rënë numri i aksidenteve në komunikacion gjatë periudhës janar-mars 2023 në raport me periudhën janar-mars 2022.
1598 aksidente me lëndime
Referuar të dhënave zyrtare të Policisë së Kosovës shihet se 1598 aksidente me lëndime kanë ndodhur në vendin tonë gjatë periudhës janar-mars 2023, nga 1582 aksidente me lëndime sa ishin në vendin tonë gjatë periudhës janar-mars 2022. Bërë një krahasim del se 1,01% është rritur numri i aksidenteve më lëndime në Kosovë gjatë periudhë janar-mars 2023 në raport me periudhën janar-mars 2022. Gjatë këtyre aksidenteve 3114 qytetarë janë lënduar në aksidente komunikacioni gjatë periudhës janar-mars 2023, deri sa 2987 qytetarë ishin lënduar në aksidente komunikacioni gjatë periudhës janar-mars 2022. 4,25 % është rritur numri i qytetareve të lënduar në aksidente komunikacioni gjatë periudhës janar-mars 2023 në raport me periudhën janar-mars 2022.
