Një 45-vjeçar ka humbur jetën në vendin e punës, pasi është rrëzuar nga skelet.
Kështu ka bërë të ditur Policia e Kosovës përmes një njoftimi. Mësohet se rasti tragjik ndodhi sot rreth orës 13:45.
Ndërkaq, me urdhër të Prokurorit të Shtetit rasti është inicuar si “vdekje aksidentale”.
Njoftimi i plotë:
Sot, me datën 08.04.2023 rreth orës 13:45 stacioni policor në Kamenicë, nga qendra emergjente e spitalit rajonal të Gjilanit është njoftuar se aty ësht sjell një person mashkull kosovar (viti i lindjes 1978) pa shenja jete.
Njësitet policore relevante i janë përgjigjur rastit dhe sipas informatave preliminare viktima dyshohet se gjatë kryerjes se disa punimeve në shkollën e fshatit Koretin të komunës së Kamenicës është rrëzuar nga konstruksioni i skeleve duke pësuar lëndime trupore, lëndime të cilave nuk ka arritur që të u mbijetoj.
Njësiti i Hetimeve Rajonale në koordinim me Prokurorin e Shtetit janë duke i hetuar rrethanat e rastit.
Me urdhër të Prokurorit të Shtetit është iniciuar rasti ,,Vdekje aksidentale’’ dhe trupi i pajetë i viktimës i është dërguar në Institutin e Mjekësisë Ligjore për obduksion.
