Deficiti tregtar i Kosovës ka arritur shifrat rekorde gjatë vitit 2025.
Sipas Bankës Qendrore të Kosovës (BQK), deficiti tregtar i vendit deri në nëntor 2025 ka arritur në hiç më pak se 5.07 miliardë euro, një rritje kjo prej rreth 15%, në krahasim me periudhën e njëjtë të vitit 2024, raporton portali Front Online.
Sipas BQK-së, gjatë periudhës kohore janar-nëntor 2025 eksporti i përgjithshëm i Kosovës ka arritur në rreth 875 milionë euro, duke shënuar rënie prej 1.17%, krahasuar me periudhë përkatëse të vitit paraprak, përderisa importi i mallrave për 11 muajtë e vitit 2025 ka shkuar në rreth 6 miliardë euro, me një rritje prej 12.2%, raporton Front Online.
/FrontOnline/
