Joe Biden ka thënë që refuzimi i presidentit Donald Trump për t`ia pranuar fitoren në zgjedhjet e Shtëpisë së Bardhë javën e kaluar është “një turp”.

Por presidenti i zgjedhur i SHBA – i cili ka kontaktuar me udhëheqës të huaj – këmbënguli se asgjë nuk do të ndalonte transferimin e pushtetit.

Trump ndërkohë shkroi në Twitter se në fund të fundit do të fitonte garën që të gjitha rrjetet kryesore televizive kanë parashikuar se ai ka humbur.

Siç ndodh çdo katër vjet, media amerikane projektoi fituesin e zgjedhjeve, raporton BBC, transmeton Klan Kosova.

Asnjë nga rezultatet shtet për shtet nuk është certifikuar akoma, disa numërime votash po vazhdojnë dhe rezultati do të vendoset vetëm kur Kolegji Zgjedhor i SHBA-së të mblidhet në 14 dhjetor.

Presidenti i zgjedhur u pyet nga një reporter të martën se çfarë mendonte për refuzimin e Presidentit Trump për të njohur humbjen.

“Unë thjesht mendoj se është një turpërim sinqerisht”, tha Biden, në Wilmington, Delaware.

“Në fund të ditës, e dini, e gjitha do të realizohet në 20 janar,” shtoi ai, duke iu referuar ditës së inaugurimit.

Biden ka zhvilluar thirrje telefonike me udhëheqës të huaj ndërsa ai përgatitet të marrë detyrën.